Fyrsti ungbarnagallinn – Námskeið

4.990 kr.

Um námskeið

Þetta námskeið er hugsað fyrir þá sem hafa lokið við námskeið á erfiðleikastigi 3. Ef ekki hefur verið tekið námskeið hjá okkur áður þá er þetta námskeið fyrir þá sem hafa prjónað eitthvað áður og lokið við önnur verkefni með smá flækjustigi.

Námskeiðið er metið sem erfiðleikastig: 4Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða. 

Það var aldrei spurning að fyrsti ungbarnagallinn hjá okkur yrði útfærður af ungbarnapeysunni og ungbarnabuxunum okkar. Við erum mikið í að prjóna á lítil kríli þessa dagana og fannst vanta galla í úrvalið hjá okkur. 

Hæst ánægðar með útkomuna en gallinn er hugsaður með slim fit formi en lítið mál að útfæra fyrir þá prjónara sem vilja hafa gallann víðari. Þá er einfaldlega lykkjufjöldinn af stærri stærð tekin og prjónaður í þá lengd sem passar miðað við aldur. 

Gallinn er prjónaður ofan frá og niður en listinn hér fyrir neðan fer yfir helstu atriði sem er hægt að finna í námskeiðinu.

Stærðir: 0 – 3 mánaða (3 – 6 mánaða) 6 – 9 mánaða (9 – 12 mánaða) 12 – 18 mánaða (18 – 24 mánaða)

Farið er yfir eftirfarandi:

  • Fitja upp
  • Prjóna berustykki ofan frá og niður
  • Prjóna slétt og brugðið munstur
  • Prjóna berustykki fram og tilbaka
  • Lesa munstur/telja út munstur
  • Prjóna hnappagöt
  • Auka út
  • Taka saman lykkjur
  • Flytja lykkjur á band til að búa til ermar
  • Taka upp lykkjur
  • Fitja upp með einu bandi
  • Tengja saman prjón þannig að endarnir leggist ofaná hvorn annan
  • Prjóna skálmar
  • Fella af
  • Lykkja saman
  • Frágangur
  • Setja tölur á

Aukaefni sem fylgir námskeiði eru kennslumyndbönd sem fara yfir:

  • Prjónatækni
  • Finna endann á garninu
  • Þegar við missum niður lykkju
  • Þegar við prjónum í ranga átt
  • Þegar þarf að prjóna tilbaka
  • Þegar þarf að rekja upp stórann hluta
  • Þegar við þurfum að byrja á nýjum hnykli
  • Þegar við þurfum að fella af
  • Telja umferðir í stroffi
  • Þegar það þarf að færa yfir á minni prjón

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.

Finnst þér þessi vara fullkomin fyrir vin? Þú getur keypt gjafakort fyrir þennan hlut!

Viðbótar upplýsingar

Garn : Sandnes Baby Lanett. Hægt er að kaupa garnið hér eða hjá Tinnu ehf.

Prjónar : Hringprjón nr. 3 40 cm (einnig 60 cm fyrir stærri stærðir) / 5x sokkaprjóna nr. 3

Nál, skæri, málband og 6 – 8 tölur (fer eftir stærð)

Þegar garn er keypt fyrir verkefni þarf að skoða vel hvort framleiðslunúmerið á dokkunum sé það sama, því oft getur verið litamunur á milli framleiðsla.

StærðGarnMagn
0 - 3 mánaða
Sandnes Baby Lanett150g
3 - 6 mánaðaSandnes Baby Lanett150g
6 - 12 mánaðaSandnes Baby Lanett200g
12 - 18 mánaðaSandnes Baby Lanett300g
18 - 24 mánaðaSandnes Baby Lanett300g

 

 

 

Vinsælar vörur með...

  • Sandnes Baby Lanett – 2650

    990 kr.
    Read more
  • Sandnes Baby Lanett – 1022

    990 kr.
    Setja í körfu
  • Lykke sokkaprjónar – 3 mm

    1.490 kr.
    Setja í körfu
  • Lykke hringprjónar – 3 mm, 40 cm

    1.490 kr.
    Setja í körfu