Fyrsti ungbarnagallinn – Uppskrift

Það var aldrei spurning að fyrsti ungbarnagallinn hjá okkur yrði útfærður af ungbarnapeysunni og ungbarnabuxunum okkar. Við erum mikið í að prjóna á lítil kríli þessa dagana og fannst vanta galla í úrvalið hjá okkur. 

Hæst ánægðar með útkomuna en gallinn er hugsaður með slim fit formi en lítið mál að útfæra fyrir þá prjónara sem vilja hafa gallann víðari. Þá er einfaldlega lykkjufjöldinn af stærri stærð tekin og prjónaður í þá lengd sem passar miðað við aldur. 

Gallinn er prjónaður ofan frá og niður en kennslumyndbönd fylgja uppskriftinni fyrir flóknari atriði eins og að tengja búkinn saman og lykkja saman milli skálmanna.