Fyrsti trefillinn – námskeið

Um námskeið

Þetta námskeið er hugsað fyrir þá sem hafa tekið byrjendanámskeið eða hafa smá grunn en vilja bæta við sig þekkingu, t.d. ef þú hefur verið í handavinnu í grunnskóla þá er gott að byrja hér.

Námskeiðið er metið sem erfiðleikastig: 2. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða.

Dóttir mín bað um trefil seinasta vetur af þeirri góðu ástæðu að vinkona hennar ætti svoleiðis. Trefillinn var settur á lista yfir væntanleg prjónverkefni en hér erum við ári síðar, loksins loksins komin með trefilinn um hálsinn og ekkert smá sáttar með útkomuna. Mjög gott verkefni fyrir þá sem vilja æfa slétt/brugðið prjón og útaukningar.

Stærð: 1 árs og uppúr (ein stærð)

Farið er yfir eftirfarandi:

• Fitja upp
• Prjóna slétta lykkju
• Prjóna brugðna lykkju
• Prjóna perluprjón
• Auka út (M1R, M1L. M1RP, M1LP)
• Fella af
• Hekla kant

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garninu
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar þarf að rekja upp stórann hluta
• Þegar við þurfum að byrja á nýjum hnykli
• Ef við missum lykkju þegar þumall er þræddur upp
• Þegar við þurfum að fella af

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.