Aðrir ungbarnavettlingar – Námskeið

Um námskeið

Þetta námskeið er hugsað fyrir þá sem hafa tekið byrjendanámskeið eða hafa smá grunn en vilja bæta við sig þekkingu, t.d. ef þú hefur verið í handavinnu í grunnskóla þá er gott að byrja hér.

Námskeiðið er metið sem erfiðleikastig: 2. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða.

Við höfum verið að prófa okkur áfram með munstrið sem er í ungbarnapeysunni og buxunum til að búa til heilt sett sem er í sömu línu. Núna eru þriðja ungbarnahúfan og aðrir ungbarnavettlingar tilbúin með það í huga, að fullkomna fyrstu ungbarnalínuna okkar.

Þeir sem hafa lokið námskeiði á öðrum ungbarnavettlingum fá kóða sem gefur 50% afslátt af námskeiði af þriðju ungbarnahúfunni.

Stærðir: 0 – 4 mánaða (4 – 8 mánaða) 8 – 12 mánaða

Farið er yfir eftirfarandi:

• • Fitja upp
  • Tengja sokkaprjóna í hring
  • Prjóna á sokkaprjóna
  • Prjóna stroff
  • Prjóna slétt/brugðið munstur
  • Lesa munstur
  • Taka saman
  • Draga í gegnum lykkjur
  • Frágangur

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garninu
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar þarf að rekja upp stórann hluta
• Þegar við þurfum að byrja á nýjum hnykli
• Ef við missum lykkju þegar þumall er þræddur upp
• Þegar við þurfum að fella af

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.