Ungbarnateppi – Námskeið

Um námskeið

Þetta námskeið er hugsað fyrir þá sem hafa tekið byrjendanámskeið eða hafa smá grunn en vilja bæta við sig þekkingu, t.d. ef þú hefur verið í handavinnu í grunnskóla þá er gott að byrja hér.

En teppið hentar jafnt fyrir byrjendur sem og lengra komna. Okkur langar þó að benda á að prjóna teppi tekur töluverðan tíma og ef þú ert byrjandi þá mælum við með að vera með annað lítið verkefni með þessu. 

Námskeiðið er metið sem erfiðleikastig: 2. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða. 

Það er ein stærð á teppinu.

Farið er yfir eftirfarandi:

• Fitja upp
• Prjóna slétta lykkju
• Prjóna garðarprjón
• Fella af
• Hekla kant
• Ganga frá endum

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna enda á garni
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar við þurfum að rekja upp stórann hluta
• Þegar við byrjum á nýjum hnykli
• Fastalykkjur/Loftlykkjur

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.