Ungbarnahúfa ‘Dádýr’ – Námskeið

Um námskeið

Þetta námskeið er hugsað fyrir þá sem hafa lokið við námskeið á erfiðleikastigi 2 eða hafa smá grunn en vilja bæta við sig þekkingu, t.d. ef þú hefur eitthvað prjónað í gegnum tíðina eða lokið við minna og einfaldara verkefni þá er gott að byrja hér.

Námskeiðið er metið sem erfiðleikastig: 3. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða.

Við spurðum fylgjendahópinn okkar á Instagram hvaða námskeið hann vildi sjá næst. Mesti áhuginn var á ungbarnahúfu svo við fórum í að setja upp húfu og fannst okkur hún þurfa að vera með eyrum. Við fórum í miklar pælingar og endaði með því að við bjuggum til tvær húfur með eyrum Dádýra húfuna og svo Bangsa.

Stærðir: Heimferðar (0 – 3 mánaða) 3 – 6 mánaða (6 – 9 mánaða)

Farið er yfir eftirfarandi:

• Fitja upp
• Prjóna slétt og brugðið
• Prjóna fram og tilbaka
• Prjóna af hringprjón yfir á sokkaprjóna
• Úrtaka
• Draga band í gegn til að loka húfu
• Prjóna band í lykkjur fyrir eyrum
• Taka upp lykkjur fyrir eyrum
• Prjóna eyru
• Snúrubönd
• Frágangur

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garninu
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar þarf að rekja upp stórann hluta
• Þegar við þurfum að byrja á nýjum hnykli
• Ef við missum lykkju þegar eyra er þrætt upp á prjón
• Þegar við þurfum að fella af

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.