Kaðla vettlingar – Námskeið

Um námskeið

Þetta námskeið er hugsað fyrir þá sem hafa lokið við námskeið á erfiðleikastigi 2 eða hafa smá grunn en vilja bæta við sig þekkingu, t.d. ef þú hefur eitthvað prjónað í gegnum tíðina eða lokið við minna og einfaldara verkefni þá er gott að byrja hér.

Námskeiðið er metið sem erfiðleikastig: 3. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða.

Dóttir annarrar okkar vantaði vettlinga svo við fórum að leggja höfuðið í bleyti varðandi útlit þeirra því við vildum ekki hafa þá alveg klassíska. Við það urðu Kaðla vettlingarnir til og hafa verið prjónaðir ófáir síðan.

Stærðir: 12 – 18 mánaða (18 – 24 mánaða) 2 – 3 ára (3 – 5 ára) 5 – 7 ára (7 – 9 ára) Minni fullorðins (s/m) (Stærri fullorðins (l/xl))

Farið er yfir eftirfarandi:

• Fitja upp á sokkaprjóna
• Tengja uppfit á sokkaprjónum
• Auka út
• Gera kaðal
• Lesa munstur
• Telja umferðir
• Setja þumal
• Gera úrtöku fyrir vettlinga

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garninu
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar þarf að rekja upp stórann hluta
• Þegar við þurfum að byrja á nýjum hnykli
• Ef við missum lykkju þegar þumall er þræddur upp
• Þegar við þurfum að fella af

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.