Fyrsta Peysa – Námskeið

Um námskeið

Þetta námskeið er hugsað fyrir þá sem hafa lokið við námskeið á erfiðleikastigi 2 eða hafa smá grunn en vilja bæta við sig þekkingu, t.d. ef þú hefur eitthvað prjónað í gegnum tíðina eða lokið við minna og einfaldara verkefni þá er gott að byrja hér.

Námskeiðið er metið sem erfiðleikastig: 3. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða.

Þegar við settum upp þetta námskeið vildum við setja upp klassíska peysu sem væri auðvelt að prjóna. Fullkomin fyrir þá sem vilja reyna fyrir sér í örlítið flóknara verkefni. Þetta námskeið inniheldur tvær peysur eða stroff og kant peysuna. Þetta er í rauninni ein og sama peysan nema með mismunandi smátriðum. En það er undir þér sjálfum komið hvora peysuna þú gerir eða hvort þú gerir báðar.

Stærðir: 1 – 2 ára (2 – 3 ára) 3 – 5 ára (5 – 7 ára)

Farið er yfir eftirfarandi:

• Fitja upp á sokkaprjóna
• Tengja sokkaprjóna
• Gera gatamunstur
• Auka út á ermum
• Tengja ermar á búk
• Laskaúrtaka
• Að lykkja saman undir höndum
• Teygjanleg affelling
• Kantur saumaður niður
• Frágangur

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garni
• Þegar við missum niður lykkju
• Þegar við prjónum í ranga átt
• Þegar við þurfum að prjóna tilbaka
• Þegar við þurfum að rekja upp stórann hluta
• Þegar við byrjum á nýjum hnykli
• Þegar við þurfum að fella af
• Þegar skipta þarf yfir á annan prjón

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.