Hneppt peysa

Fyrsta fullorðin kvennapeysan okkar er hneppt peysa.

Við vildum hanna peysu sem væri fullkomin yfir kjóla og klæðileg, eitthvað sem væri mögulega hægt að finna út í búð. Eftir að hafa prófað hinar ýmsu garntegundir þá ákváðum við að setja saman Sunday og Tynn Mohair sem býr til ofboðslega mjúkt og fallegt prjón.  Peysan er ekki alveg hugsuð fyrir byrjendur en það fylgja myndbönd frá okkur með þeim atriðum sem eru ekki hefðbundinn og gætu reynst flóknari í framkvæmd. Okkur þykir báðum gaman að læra eitthvað nýtt þegar við prjónum svo það var eitt af markmiðunum þegar þessi peysa var hönnuð.

Með uppskriftinni fylgja kennslumyndbönd sem sýna hvernig á að prjóna kantinn, gera ítalska affellingu og hvernig á að sauma ermarnar í.