Kaðlapeysa – Námskeið

Um námskeið

Þetta námskeið er hugsað fyrir þá sem hafa lokið við námskeið á erfiðleikastigi 4. Ef ekki hefur verið tekið námskeið hjá okkur áður þá er þetta námskeið fyrir þá sem hafa prjónað stærri verkefni en vilja bæta við sig þekkingu og að læra að prjóna flóknari verkefni.

Námskeiðið er metið sem erfiðleikastig: 5. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða. 

Kaðlapeysan sem er prjónuð í þessu námskeiði er peysa sem var prjónuð á einn af strákunum okkar áður en að Kvist varð til. Hann var í henni á nokkrum myndum frá upphafi þegar við vorum að taka myndir af Duggara húfunni og fengum við reglulega fyrirspurnir um peysuna svo við ákváðum að koma henni niður á blað og að setja upp sem námskeið.

Stærðir: 1 – 2 ára (2 – 3 ára) 3 – 5 ára (5 – 7 ára)

Farið er yfir eftirfarandi:

• Slétt og brugðið munstur
• Perluprjón
• Lesa munstur
• Kaðlar
• Telja umferðir í köðlum
• Tengja ermar á búk
• Laskasamantekt
• U – hálsmál
• Hálsmál saumað niður án affellingar
• Lykkja saman undir höndum
• Frágangur

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garninu
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar þarf að rekja upp stórann hluta
• Þegar við þurfum að byrja á nýjum hnykli
• Þegar við þurfum að fella af
• Telja umferðir í stroffi

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.