Ungbarnahúfa með dúllu – Námskeið

Um námskeið

Þetta námskeið er hugsað fyrir þá sem hafa tekið byrjendanámskeið eða hafa smá grunn en vilja bæta við sig þekkingu, t.d. ef þú hefur verið í handavinnu í grunnskóla þá er gott að byrja hér.

Námskeiðið er metið sem erfiðleikastig: 3. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða. 

Stærðir:  Heimferðarstærð 0 – 3 mánaða (3 – 6 mánaða) 6 – 9 mánaða

Við erum ótrúlega hrifnar af einfaldleikanum með smá tvisti. Á húfunni er sami dúllukantur og er á ungbarnateppinu okkar sem er eitt af fyrstu námskeiðunum og uppskriftunum okkar. Upprunalega er kanturinn hugmynd frá ömmu okkar svo okkur þykir einstaklega vænt um hann.

Farið er yfir eftirfarandi:

• Fitja upp á hringprjón
• Tengja saman hringprjón
• Prjóna slétta lykkju
• Prjóna brugðna lykkju
• Taka saman lykkjur til hægri
• Taka saman lykkjur til vinstri
• Auka út til hægri
• Auka út til vinstri
• Draga í gegn
• Dúlla hekluð
• Frágangur

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garninu
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar þarf að rekja upp stórann hluta
• Þegar við þurfum að byrja á nýjum hnykli
• Ef við missum lykkju þegar eyra er þrætt upp á prjón
• Hefðbundin affelling

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.