Ungbarnavettlingar með dúllu – Námskeið

Um námskeið

Þetta námskeið er hugsað fyrir þá sem hafa tekið byrjendanámskeið eða hafa smá grunn en vilja bæta við sig þekkingu, t.d. ef þú hefur verið í handavinnu í grunnskóla þá er gott að byrja hér.

Námskeiðið er metið sem erfiðleikastig: 2. Nánar um erfiðleikastig námskeiða má sjá hér

Námskeiðið er sett upp á PDF skjali sem þú færð sent í tölvupóst eftir að greiðsla berst. Skjalið inniheldur uppskrift og aðferð, en í hverju skrefi er síðan tengill sem fer með þig á Youtube og þar er farið yfir það sem á að gera það skiptið. Þú getur því horft á hvert myndband eins oft og þú vilt, þegar þér hentar og gert þetta algjörlega á þínum hraða. 

Þegar ungbarnavettlingarnir voru settir upp höfðum við í huga að hafa þá einfalda og þægilega í framkvæmd en farið er vel yfir slétta og brugðna lykkju og henta því byrjendum og þeim sem vilja lítið og þægilegt verkefni. Enginn þumall er á vettlingunum svo auðvelt er að klæða börnin í þá þessa fyrstu mánuði og henta vel í vagninn eða bílstólinn. Lítill dúllukantur er heklaður á vettlinginn eftir að hann er prjónaður þannig verkefnið hentar einnig þeim sem vilja prófa sig áfram í hekli. 

Stærðir:  0 – 6 mánaða (6 – 12 mánaða)

Farið er yfir eftirfarandi:

• Fitja upp á sokkaprjóna
• Tengja saman sokkaprjóna
• Prjóna slétta lykkju
• Prjóna brugðna lykkju
• Prjóna stroff
• Taka saman lykkjur til hægri
• Taka saman lykkjur til vinstri
• Draga í gegn
• Dúlla hekluð
• Frágangur

Aukaefni sem fylgir námskeiði eru kennslumyndbönd sem fara yfir:

• Prjónatækni
• Finna endann á garninu
• Þegar við missum niður lykkju
• Þegar við prjónum í ranga átt
• Þegar þarf að prjóna tilbaka
• Þegar þarf að rekja upp stórann hluta
• Þegar við þurfum að byrja á nýjum hnykli
• Ef við missum lykkju þegar eyra er þrætt upp á prjón
• Hefðbundin affelling

Það er gaman að segja frá því að við kaup á námskeiði hjá okkur heldur þú ótakmörkuðu aðgengi að öllu kennsluefni og getur því alltaf leitað í það eða skoðað kennslumyndböndin aftur.