Önnur ungbarnapeysa – Uppskrift

Önnur ungbarnapeysan okkar.
Peysan er prjónuð neðan frá og upp og með ísettum ermum.

Upphafið af þessari ungbarnapeysu var mjög einfalt, ég sá græna litinn frá Sunday (9071) og ég bara varð að prjóna eitthvað úr honum. Stuttu seinna komst ég að því að ég ætti von á strák og þá var það ákveðið, þessi græni litur yrði settur í ungbarnapeysu. Þar sem liturinn var frekar dökkur svona fyrir heimferðasett (fannst mér) þá ákvað ég að setja aðra liti með til að gera það aðeins léttara og akkurat á þessum tíma var ég með rendur á heilanum. Það er mjög sérstakt að setja svona sköpunarferli á blað en þetta var bara ekki flóknara en þetta, hugurinn sér eitthvern veginn um afganginn og úr varð þessi peysa. 

Vonandi á ykkur eftir að finnast jafn gaman að prjóna þessa eins og mér fannst að skapa hana, en allar okkar barnaflíkur eru hugsaðar út frá börnunum okkar og eru því okkur mjög persónulegar.

Stærðir: 0 – 3 mánaða (3 – 6 mánaða) 6 – 12 mánaða (12 – 18 mánaða) 18 – 24 mánaða