Munstur Peysan

Önnur okkar eignaðist stelpu fyrr á árinu og kom löngunin fyrir dúlluprjón í kjölfarið. Okkur langaði að gera peysu sem var bæði með pilsi og gatamunstri svo úr varð Munstur peysan. Peysan er prjónuð neðan frá og er hefðbundinn laski á berustykki. Munstrið er ekki flókið en það er einungis tekið saman og slegið upp á prjón á víxl. Maður er fljótur að læra það á meðan peysan er prjónuð og þá þarf ekki alltaf að vera skoða uppskriftina sem okkur finnst mikill kostur. Uppgefið garn í peysuna er hörgarnið Line frá Sandnes, við vildum að peysan myndi virka sem inni peysa í vetur sem og létt og góð fyrir sumarið.

Prjónafesta: 24 lykkjur og 34 umferðir gera 10×10 cm – Minnum við á mikilvægi prjónafestu áður en byrjað er á verkefninu. 

Stærðir: 0 – 3 mánaða (3 – 6 mánaða) 6 – 12 mánaða (12 – 18 mánaða) 18 – 36 mánaða