Fjórða peysan

Eftir að hafa klárað munsturpeysuna langaði okkur að útfæra munstrið á peysu sem myndi henta betur til útiveru, einskonar sambland af fyrstu peysunni og munsturpeysunni. Eftir nokkrar tilraunir varð niðurstaðan Fjórða peysan (er í raun fimmta peysan, en látum það liggja milli hluta..)

Önnur okkar var búin að prjóna Fyrstu peysu/buxur úr tvöföldu lanett sem kom svona vel út og því varð það fyrir valinu. Þessi peysa hefur verið notuð mikið í sumar hjá okkar stelpum en hentar vel sem milli hlý peysa.

Vonandi á ykkur eftir að finnast jafn gaman að prjóna þessa eins og okkur fannst að búa hana til, en allar okkar barnaflíkur eru hugsaðar út frá börnunum okkar og eru því okkur mjög persónulegar.